Memaram, işçi layihələndirmə, detallaşdırma və tikinti sahəsində nəzarət üzrə iş axtarıram.

Təhsil
Azərbaycan Memarlıq və İnşaat Universitetinin memarlıq fakültəsini bitirmişəm (2018–2024).

JH Architecture and Engineering MMC, 2026
Burada memar, işçi layihələndirmə və detallaşdırma mütəxəssisi kimi çalışmışam. Döşəmə, tavan və divar konstruksiyalarının çoxqatlı memarlıq kəsiklərini işləmişəm: su, istilik və səs izolyasiyası qatlarını, örtük materiallarının ardıcıllığını və mürəkkəb qovşaq detallarını yüksək dəqiqliklə çəkmişəm.

Layihələr üzrə həcm və material hesablamaları aparmışam: divarların kubaturası, kərpic və blok sayı, daxili və xarici boya və suvaq sahələri, döşəmə və tavan örtüklərinin sərfiyyatı. Nəticələri smeta cədvəllərinə daxil etmişəm.

Yükdaşıyan, arakəsmə və xüsusi izolyasiyalı divar tiplərini kodlaşdırmışam (W-01, W-02 və s.), hər tipin material tərkibini, qalınlığını və qatlarını işçi çertyojlarda markalamışam. Otaq bölgü planları, bina kəsikləri və fasad açılışlarını normativlərə və texniki standartlara uyğun hazırlamışam.

Sahədə fit-out (daxili tamamlama) və fasad işlərinin çertyojlara, normativlərə və keyfiyyət standartlarına uyğun aparılmasına nəzarət etmişəm. Texnoloji ardıcıllığa riayəti izləmiş, işlərin vizual və ölçü yoxlamasını aparmış, uyğunsuzluqları vaxtında aradan qaldırmışam. Subpodratçı komandaların gördüyü işləri yoxlayıb qəbul etmişəm.

Valkur İnşaat, 2025–2026
Burada sahə memarı (fit-out) və sahə rəisi kimi işə başlamışam. Layihədə baş podratçı Kolin, keyfiyyətə nəzarət şirkəti Pro Yapı, məsləhətçi şirkət STP olub.

Usta və briqadaların işini layihəyə uyğun təşkil etmiş, işlərin təsdiqlənmiş layihə və çertyojlara əsasən icrasına nəzarət etmişəm. Daş yunu, hörgü, suvaq, şpaklyovka kimi incə işlərin düzgün və keyfiyyətli aparılmasını təmin etmişəm. Sahədə iş bölgüsünü və qrafiki tənzimləmiş, material sərfiyyatına nəzarət etmiş, texniki problemləri yerində həll etmişəm. Rəhbərliyə müntəzəm hesabat vermiş, təhlükəsizlik qaydalarına əməl olunmasını izləmişəm.

Proqramlar
AutoCAD, Revit, 3ds Max, Corona, V-Ray, MS Office.

Dillər
Azərbaycan dili – əla, türk dili – yaxşı (danışıq səviyyəsi), ingilis dili – orta, rus dili – zəif.