“Əmin Əllər” Qayğı və Qulluq Mərkəzi yaşlılara, xəstələrə və xüsusi qulluğa ehtiyacı olan şəxslərə peşəkar baxım xidməti göstərir. Mərkəzin təcrübəli kollektivi sakinlərin gündəlik qayğısını, şəxsi gigiyenasını və rahatlığını təmin edir.

Mərkəz funksional çarpayılar, antidekubitus hava döşəkləri və hərəkət məhdudiyyəti olan şəxslərin yataq, tualet, duş və kreslo arasında təhlükəsiz şəkildə daşınması üçün qaldırıcı qurğularla təchiz olunub.

Xidmət göstərilən şəxslər:

- Serebral iflici olan uşaqlar — gündəlik psixoloq müşayiəti ilə
- Görmə məhdudiyyəti olan şəxslər
- Evdə tək qalan və daimi qayğıya ehtiyacı olan yaşlılar
- Miokard infarktından və insultdan sonrakı dövrdə olan xəstələr
- Altsheymer xəstəliyi və yüngül demensiyası olan şəxslər
- Parkinson xəstəliyi olan şəxslər
- Tam və natamam iflici olan xəstələr
- Cərrahi əməliyyatdan sonra qulluq tələb edən şəxslər
- Ağır travmatik zədələr almış xəstələr
- Xroniki xəstəlikləri, o cümlədən yataq yaraları olan şəxslər

Altsheymer xəstələri üçün yaddaşın möhkəmləndirilməsinə və zehni fəallığın qorunmasına yönəlmiş məşğələlər, yaddaş oyunları və əyləncəli fəaliyyətlər təşkil olunur.

Uzunmüddətli qulluq xidməti

Xəstələr mərkəzdə minimum 15 gündən başlayaraq yerləşdirilə bilərlər. Gecə-gündüz qulluq və tibbi nəzarət təmin olunur.

Xidmətlərə daxildir:

- 24 saat ərzində xəstələrə qulluq və müşahidə
- Gecə-gündüz patronaj tibb bacılarının xidməti
- Gündə 4 dəfə yemək
- Pampers təminatı
- Yataq və geyimlərin gündəlik dəyişdirilməsi, yuyulması və ütülənməsi
- Şəxsi gigiyena və gündəlik ehtiyaclar üzrə kömək
- Açıq havada gəzinti
- Həkim məsləhəti ilə fizioterapiya və parafin terapiyası
- Psixoloji dəstək və sosial adaptasiya

Gündüz baxımı xidməti

Gündüz baxımı xidmətindən yararlanan şəxslər səhər mərkəzə gətirilir, axşam isə evlərinə qaytarılır. Gün ərzində yaşlılara lazımi qulluq göstərilir, ünsiyyət, istirahət, sosiallaşma və müxtəlif tədbirlər təşkil olunur.

Gündəlik səhər və axşam nəqliyyat xidməti də mövcuddur.

Əlavə xidmətlər:

- Təcili yardım və transfer xidməti
- Günərzi sosial xidmət
- Səyyar sosial xidmət

Mərkəzin şəraiti

“Əmin Əllər” Qayğı və Qulluq Mərkəzində işıqlı və rahat otaqlar, abadlaşdırılmış həyət, hovuz və meyvə ağacları mövcuddur. Sakinlərin rahatlığına, sosial fəallığına və gündəlik ehtiyaclarına xüsusi diqqət yetirilir.

Uzunmüddətli qalma zamanı endirimlər nəzərdə tutulur.

Mərkəzə müraciət qaydası: yerləşdirilmə üçün ərizə xəstənin ailə üzvləri tərəfindən yazılır.

Xəstələri ziyarət saatları: 15:00–19:00.

Mərkəz həftənin 7 günü, günün 24 saatı xidmət göstərir.

Ünvan: Bakı şəhəri, Xəzər rayonu, Buzovna qəsəbəsi, Aida parkının (SOCAR) yaxınlığı.

Ətraflı məlumat və yerləşdirilmə şərtləri ilə bağlı əlaqə saxlaya bilərsiniz.