Bakıda və Azərbaycanda daşınmaz əmlak elanları
4763 elan tapıldı
- Ən yeni
- Ucuzdan baha
- Bahadan ucuz
Çəkiliş xidməti
Çəkiliş üçün müraciət et Əmlakınızı biz çəkirik, biz satırıq
Peşəkar şəkillər, hazır elan və alıcı tapılana qədər müşayiət.
Daşınmaz əmlak bazarı haqqında
Bütün elan növləri bir səhifədə: mənzil, həyət evi, ofis, torpaq, qaraj və kommersiya obyektləri. Satış, uzunmüddətli kirayə və günlük kirayə elanlarını eyni siyahıda görüb bir-biri ilə müqayisə edə bilərsiniz.
Şəhər, rayon, qiymət aralığı, otaq sayı və sahə üzrə filtrlərdən istifadə edərək axtarışınızı bir neçə saniyəyə daralda bilərsiniz. Nəticələri qiymətə və ya tarixə görə sıralamaq da mümkündür.
Hər elan dərc olunmazdan əvvəl moderasiyadan keçir — ünvan, qiymət və şəkillərin real olduğuna əmin ola, elanı yerləşdirənlə — sahib və ya rieltorla — birbaşa, əlavə vasitəçi olmadan əlaqə saxlaya bilərsiniz.
Tez-tez verilən suallar
Kupça (çıxarış) nədir və niyə vacibdir?
Kupça, rəsmi adı ilə çıxarış, əmlakın dövlət reyestrində kimin adına qeydiyyatda olduğunu göstərən sənəddir. Satıcının sahib olduğunu ilk növbədə bu kağız sübut edir. Çıxarışsız ev adətən ipoteka ilə alınmır, sonradan onu satmaq da çətin olur. Baxışa gedəndə çıxarışdakı adı satıcının şəxsiyyət vəsiqəsi ilə tutuşdurun.
Əmlak alqı-satqısı necə rəsmiləşdirilir?
Alqı-satqı müqaviləsini notarius təsdiqləyir, mülkiyyət hüququ isə alıcıya dövlət reyestrində qeydiyyatla keçir və onun adına yeni çıxarış verilir. Notariusa tərəflərin şəxsiyyət vəsiqələri və çıxarış aparılır; satıcı evlidirsə, həyat yoldaşının notarial razılığı da lazımdır, tam siyahını əvvəlcədən soruşun. Beh verməzdən qabaq satıcıdan təzə reyestr arayışı istəyin: əmlakın girovda və ya həbsdə olub-olmadığını o göstərir.
Əmlak alarkən hansı sənədlər yoxlanılmalıdır?
Çıxarışdan başlayın, sonra texniki pasporta və satıcının vəsiqəsinə baxın. Texniki pasportdakı planı evin özü ilə tutuşdurun: sökülmüş divar və ya otağa qatılmış balkon kağızda yoxdursa, sonradan mübahisə mövzusuna çevrilir. Satıcı yerinə başqası, məsələn, qohumu danışırsa, notarial etibarnaməni və onun müddətini görmək istəyin.
İpoteka almaq üçün nə lazımdır?
Bank adətən rəsmi gəliri təsdiqləyən arayış, ilkin ödəniş üçün pul və sənədi qaydasında olan əmlak istəyir. Kupçası olmayan ev, bir qayda olaraq, ipotekaya girov kimi götürülmür. Gəlir tələbi və ilkin ödənişin payı kimi şərtlər bankdan asılıdır. Uyğun elanları «İpoteka mümkündür» seçimi ilə tapın, aylıq ödənişi isə saytdakı ipoteka kalkulyatorunda hesablayın.
Elanı pulsuz yerləşdirmək mümkündürmü?
Bəli, pulsuz limit daxilində elan yerləşdirmək üçün pul ödəmirsiniz. Telefon nömrənizi SMS kodu ilə təsdiqləyirsiniz, elan isə moderator baxandan sonra saytda görünür. Limitdən çox elan üçün paket lazımdır; elanı siyahıda yuxarı qaldıran «İrəli çək» və Premium da ödənişli xidmətlərdir.
